Presidenti i SHBA-së, Trump, do të takohet me Mbretin Charles në Kështjellën Windsor, si pjesë e ditës së tij të parë të plotë në një vizitë të dytë shtetërore të paprecedentë.

Presidenti Donald Trump mbërriti mbrëmjen e djeshme (17 shtator) në Mbretërinë e Bashkuar për vizitën e tij të dytë historike shtetërore, e cila do të përfshijë një përzierje të mbushur me shfaqje mbretërore, bisedime tregtare dhe politikë ndërkombëtare.

Në këtë vizitë zyrtare, ku shoqërohet nga bashkëshortja e tij Melani, Trump do të takohet me Mbretin Charles në Kështjellën Windsor.

Përpara nisjes për në Britani, Trump dërgoi sinjale pozitive, duke e përshkruar vizitën si një nder ndërsa shtoi se marrëdhëniet e tij me Britaninë janë shumë të mira.

“Ata duan të shohin nëse mund ta përmirësojnë pak marrëveshjen tregtare… Unë dua t’i ndihmoj”, tha Trump, ndërsa një marrëveshje investimi shumëmiliardësh në teknologjinë amerikane u njoftua ndërsa vizita e presidentit filloi.

Por Trump tha se qëllimi kryesor i vizitës ishte të shihte Mbretin Charles. “Ai e përfaqëson vendin kaq mirë, një zotëri kaq elegant“, tha Trump.

Një mesazh kyç nga qeveria e Mbretërisë së Bashkuar do të jetë inkurajimi i Shteteve të Bashkuara që të ruajnë angazhimin e tyre ndaj NATO-s dhe të mbështesin Ukrainën, dhe do të ketë një formacion ushtarak shumë më të madh se zakonisht për vizitën shtetërore.

Në vitin 2019, gjatë mandatit të tij të parë në Shtëpinë e Bardhë, Trump nisi një vizitë shtetërore tre-ditore në Mbretërinë e Bashkuar, i shoqëruar nga bashkëshortja e tij, Zonja e Parë Melania Trump.

Ai u prit nga Mbretëresha Elizabeth II, e cila ndërroi jetë tre vite më vonë./rtsh